बिसंगती कविता :महक् बदलुवा हचे

  –   जोगेन्द्र प्रसाद राजवंशी 

बदलेचे ! बदलेचे,
कोईखुना ! मौसम बदलेचे ।
कोईखुना ! हावापानी बदलेचे,
कोईखुना ! बातासेर सँगे,
देखिएने समय अनुसार ! महक् बदलुवा हचे ।।

एकेठिया हले सभाए ! फेर जैदिना ?
यिला टाँका पैसा ! काम निलाग्बे अ‍ैदिना ।
दुखते जल्बे नाँ किरु ! दयार एक्टी घर,
कष्टलाअ् हटाए हबे ! मन झँरझर ।।

आपत-बिपदेर बास्ते ! साहारा त् लिबाए हचे,
देखिएने समय अनुसार ! महक् बदलुवा हचे।
मित्रतासे बड्ँ नाहए ! दयार लाखा,
दयाते छे मिलन ! आफ्नारे लाखा।
आफ्नार से खुले ! जे ईष्ट बिरादर,
सभेकुछ मिल्बे ! सुख-दुखेर पर ।।

अ‍ैलात त कुर्हाएने ! सभेला जरुवा हचे,
देखिएने समय अनुसार ! महक् बदलुवा हचे।।।
लोक दौगिए बेराचे ! पेटेर भातेर ताने,
महत् अन्छाए देखु ! आफ्नारे घरेर भाँने।
घरे निहले त ? ! लागेचे फेर डर,
डरते फेर लिबो ! काहाँरे भर ?
अ‍ैलात त अन्छाए ! घर जुटुवा हचे,
देखिएने समय अनुसार ! महक् बदलुवा हचे।।

One Reply to “बिसंगती कविता :महक् बदलुवा हचे”

Comments are closed.