बिसंगती कविता : तुहे मोर साहारा

ए लाठी, तुहे मोर ।।सारथी।
तुहे मोर ।।साहरा।
तुहे मोर ।।जिन्दगी
तुहे मोर ।।गुजारा ।।

जैदिना ।।भर परिस्नु
छुवापुतार ।। सँगे।
आझी संसार ।। देखाले रास्ता
आखिर ।। तहरे सँगे।।

केङकरे नाता ।। जरिल,
अमुल्य ममता ।। तोर गेहेरा।
तुहे मोर ।। दुख-सुख
तुहे मोर ।। गुजारा ।।

तोर लाखा ।। माया निपानु
एई मानवेर ।। बिचते।
बेसाहारात ।। साहारा पानु
बनिए तोर ।। हिँसते।

आप त ।।सपिचु जीवन
तुहे अन्तिम ।। साहारा।
तुहे मोर ।। मार्ग दर्शक
तुहे मोर ।। गुजारा ।।

सेँजासे ।। उठाचित तुहे,
निहले ।। जोँर मोर सँगे।
मोरसँगे हाँसेचित ।। खेलाचित
नि बलेची फेर ।। मोर सँगे।।

ताह्ँ मोर गटे ।। काथाला मानेचित
फेर बुझेचित ।। मोर ईशारा।
तुहे मोर ।। ईष्ट-बाँन्धव,
तुहे मोर ।। गुजारा ।।

– जोगेन्द्र प्रसाद राजवंशी
कचनकवल – ३, दल्की झापा
हाल – मलेशिया