शिक्षा आर दायित्व। ( काल्पनिक कविता )

तहरे भबिष्यर बादे .. तोक पढाचु बेटी,
तुई आफ्नार बादे .. कुछु त ,करेचित गे!
तोक लागे बोले .. दामी दामी नोटबुकला
ना मोबाइलते तुई .. फेशबुक पढेची गे !!

काम निसिकाए तोक ..ज्ञानी बेनुवा साजिचु
तहरे सुखेर बादे यिला ..गटेलाए करेचु गे ।
बेटी त , हईस तुई .. बाफेर घरेर , काम्छाँ,
छिँया बनिए तहरे बादे .. मुई ,लरेचु गे ।।

हेलमेलते दुनियाँ .. निहचे सङ-साथी
ना सचिस बेटी .. सभारेसे आगु बढेचु गे।
बाफेर ईज्जत छे .. दुनियाँर लोकेर हातत्
यिड् दुनियाँ देखिए .. फेर डरेचु गे ।।

जैखान माँगेचित तुई .. अैखाने तोक दिछु
तुई घरेर सभाङ्ग हए .. मुई ,जरेचु गे।
तुहे त मोर घरेर .. जान्हाँक आर आँन्धार,
बेटी जानिए तोक .. बिश्वास करेचु गे ।।

* जोगेन्द्र प्रसाद राजवंशी *
कचनकवल :- ३, दल्की झापा
हाल :- मलेशिया