काठमाडौँ । राष्ट्रिय स्वतन्त्र पार्टी (रास्वपा) का सभापति रवि लामिछानेले आज विषेश पत्रकार सम्मेलन गर्ने बताएका छन् । फेसबुकमा स्टाटस लेख्दै सभापति लामिछानेले भनेका छन् पार्टीको बैठकले आज ठोस निर्णय लिन्छ त्यो आफ्नै ठाउँमा छ। त्यस लगत्तै पार्टी कार्यालय बाट आज म विषेश पत्रकार सम्मेलन गर्दैछु।
म चाहन्छु सिङ्गो देश र विदेशमा रहनुहुनेहरु सबैले आजको पत्रकार सम्मेलन हेरुन्, सुनुन्। मैले सिधाकुरा नगरेको धेरै भएछ। सरकारबारे संसदीय दल र केन्द्रीय समितिको संयुक्त बैठकले निर्णय गरेलगत्तै पार्टी कार्यालयबाटै विशेष पत्रकार सम्मेलन गर्ने रविको तयारी छ । रास्वपाको बैठक आज दिउँसो साढे ११ बजे बोलाइएको छ ।
चितवन – २ बाट निर्वाचित लामिछानेले नागरिकता विवादमा दोषी ठहर भएपछि उक्त पद गुमाएका छन् । पुनस् नागरिकता लिएपछि उनले गैरसांसद गृहमन्त्री बन्ने कसरतमा लागेका छन् । यसअघि रविले स्टाटस लेख्दै बिहीबार आँफुलाई घेराबन्दीमा हाल्न आफू अभिमन्यु नभएको बताएका थिए ।
