हल्दिबारी, १६ असार । हल्दिबारी साना किसान कृषि सहकारी संस्थाले नेपाल रेडक्रस सोसाइटी उपशाखा हल्दिबारीलाई पोर्डीयम र पोजेक्टर पर्दा आज एक विशेष कार्यक्रम विच हस्तान्तरण गरेको छ ।
संस्थाका अध्यक्ष मोहनचन्द्र रेग्मीको अध्यक्षता एवं हल्दिबारी गाउँपालिका वडा नं. २ का अध्यक्ष शुकलाल राजवंशीको प्रमुख आतिथित्यतामा भएको कार्यक्रममा उक्त सामाग्री रेडक्रस सभापति कर्णखर प्रसाईलाई हस्तान्तरण गरिएको थियो । साना किसान सहकारी संस्थाको सामुदायिक विकासको अन्तर्गत २५ हजार मुल्य बराबरको उक्त सामाग्रि हस्तान्तरण गरिएको अध्यक्ष रेग्मीले जानकारी दिनु भयो । कार्यक्रमलाई प्रमुख अतिथि राजवंशी, संस्थाका अध्यक्ष रेग्मी, नेपाल रेडक्रस उपशाखाका सभापति प्रसाईं, जिल्ला सहकारी संघ झापाका सदस्य हरिकृष्ण अधिकारी लगायतले मन्तव्य राख्नु भएको थियो । सोहि अवसरमा संस्थाले बितरण गरेको बाख्रा साटासाट समेत गरीएको थियो ।
संस्थाकी उपाध्यक्ष जोसना गिरीले स्वागत गर्नु भएको कार्यक्रमको संचालन संस्थाकी ब्यवस्थापक लिला उप्रेतीले गर्नु भएको थियो ।
