लायन्स क्लब अफ बिर्तामोड स्मार्ट लेडीकाे आयोजनामा नव सृजना प्राथमिक विद्यालय हल्दिबारी-२ झापामा ७० जना बालबालिकाहरुलाई शैक्षिक सामग्री आइतबार (आज) वितरण गरिएको छ ।
लायन्स क्लब अफ बिर्तामोड स्मार्ट लेडीका अध्यक्ष लायन मन्जु उप्रेतीको अध्यक्षतामा तथा संस्थाका संस्थापक अध्यक्ष लायन लिला मैनालीको प्रमुख आतिथ्यतामा भएको कार्यक्रममा प्रत्येक विद्यार्थीलाई आधा दर्जन कापी ३ वटा पेन्सिल , साप्नर , ईरेजर र खाजाका रुपमा बिस्कुट समेत वितरण गरिएको हाे ।
कार्यक्रममा बिद्यालय ब्यबस्थापन समितिका अध्यक्ष लक्ष्मी प्रसाद खनाल, पूर्व प्रधानाध्यापक भिम प्रसाद उप्रेती बिद्यालयका जग्गा दाता हाेमनाथ दाहाल लगायत संस्थाका काे-अडिनेटर लायन पार्वता गिरी हस्यब्याङ्गकार तथा पत्रकार ज्ञानमणी भुर्तेललगायत बिद्यालयका कर्मचारी र शिक्षकहरूकाे उपस्थिति रहेकाे थियाे भने कार्यक्रमकाे संचालन लायन सरु भुर्तेल खनाल र स्वागत मन्तव्य लायन यसाेदा उप्रेतीले तथा विद्यालयका प्रधानाध्यापक भीम दाहालले शुभकामना मन्तब्य राख्नुभएको थियोे ।
