काठमाडौं/अविरल वर्षाकाे बाबजुद पनि रगतकाे मर्म र आवश्यकतालाई मनन् गरि अनामनगर स्थित त्रिबेणी युवा क्ललबद्वारा आफ्नो नियमित तीन महिनाकाे अन्तरालमा आयाेजना गर्दै आइरहेको रक्तदान कार्यक्रमलाई काठमाडौँ महानगरपालिका,सामुदायिक प्रहरी सेवा केन्द्र घट्टेकुलो,शिखर यूवा क्लब,हाम्रो टिम नेपाल,कालिका महावीर स्पोर्ट्स क्लब,नेपाल रेडकस सोसाइटी,बानेश्वर उपशाखा,नेपाल होस्टल एशाेसिएशन र BYD गाडी शोरुम समेतकाे सहकार्यमा सफलपूर्वक सम्पन्न गरेको छ ।
नेपाल स्वयंसेवी रक्तदाता समाजकाे केन्द्रीय अध्यक्ष एवं सर्वाधिक स्वयंसेवी शतक रक्तदाता प्रेमसागर कर्माचार्यकाे बिशेष उपस्थितिमा आयाेजित साे कार्यक्रमकाे सभापतित्व क्लबका अध्यक्ष बिन्देश खनालले गर्नुभएको थियोे ।
१७औं पटक आयाेजित उक्त कार्यक्रममा महिला तथा पुरूष गरि जम्मा १०४ जनाले रक्तदान गर्नुभएको थियोे । रक्तदाताहरूलाई नेपाल स्वयंसेवी रक्तदाता समाजकाे केन्द्रीय अध्यक्ष एवं सर्वाधिक स्वयंसेवी शतक रक्तदाता प्रेमसागर कर्माचार्य र साे कार्यक्रमकाे सभापतित्व एवं क्लबका अध्यक्ष बिन्देश खनालले संयुक्तरूपमा प्रमाण-पत्र बितरण गर्नु भएको थियोे ।
