अन्तर्राष्ट्रिय नेपाली रक्तदाता संघकाे छैठाैं महाधिवेशनकाे उपलक्ष्यमा काठमाडौं नेपालमा आयाेजित बिशेष समारोहमा नेपालका सर्वाधिक स्वयंसेवी शतक रक्तदाता प्रेमसागर कर्माचार्यलाई “रक्तदाता पुरूष युग सम्मान – ०८१” काे उपाधिका साथ सम्मान एवं अभिनन्दन गरिएकाे छ ।
कार्यक्रमका प्रमुख अतिथि स्टार अस्पतालका अध्यक्ष किशाेर महर्जन एवं अन्तर्राष्ट्रिय नेपाली रक्तदाता संघका अध्यक्ष अजय सत्यालद्वारा संयुक्तरूपमा उक्त सम्मान-पत्र प्रदान गरिएकाे थियो ।
अन्तर्राष्ट्रिय नेपाली रक्तदाता संघका अध्यक्ष अजय सत्यालकाे सभापतित्वमा सम्पन्न साे कार्यक्रममा बिशेष अतिथि नेपाल रेडक्रस साेसाइटी केन्द्रीय रक्तसञ्चार सेवाका निर्देशक पवनकुमार गुप्ता रहनु भएको साे कार्यक्रमकाे संयाेजन केन्द्रीय रक्त सञ्चार सेवाका पूर्व निर्देशक एवं हालका वरिष्ठ सल्लाहकार डा. मनिता श्रेष्ठ राजकर्णिकारले गर्नुभएको थियो ।
