बिर्तामोड नगरपालिका पूर्वपश्चिम राजमार्गमा रहेको पश्चिम बस स्टेन्डमा एक युवामाथि छुरा प्रहार भएको प्रहरीले जनाएको छ ।
प्रहरीका अनुसार मंगलबार बेलुकी छुरा प्रहारबाट घाइते हुने बिर्तामोड – १ का २३ बर्षिय सुनिराम मुर्मुलाई उपचारका लागि स्पाइन एक्स अस्पताल लगिएको छ भने छुरा प्रहार गरेको सम्लग्नतामा प्रहरीले ५ जनालाई पक्राउ गरेको जिल्ला प्रहरी कार्यालय झापाले जनाएको छ ।
पक्राउ पर्नेमा बिर्तामोड न.पा. १ बस्ने बर्ष अं. २३ को राम टुडु ,६ बस्ने बर्ष १९ की एलिना श्रेष्ठ त्यस्तै १ बस्ने बर्ष अं. २९ को सुसान मुर्मु , अर्जुनधारा न.पा.११ बस्ने बर्ष ३० को सरोज सहनी र कनकाई न.पा. १ बस्ने बर्ष अं. २३ को मनोज बि.क. रहेको जिल्ला प्रहरी कार्यालय झापाले जनाएको छ ।
बिर्तामोडको पश्चिम बस स्टेन्ड रातको समयमा लागुऔषधको कारोबार र यौनधन्दाको अखडा बनेको स्थानीयले प्रहरीलाई पटकपटक जानकारी गराउदा समेत झन बढ्दै गएको उनीहरुको गुनासो रहेको छ ।
लागुऔषध र यौनधन्दाको गतिविधिले रातको समय बिर्तामोडमा एकलै निस्कन समेत असुरक्षित बन्दै गइरहेको विभिन्न यस्ता घटनाले थप पुष्टि गरेको छ ।
