हल्दिवारी । एमाले झापा जिल्ला सचिवालय सदस्य युवा नेता तथा २०७४ सालको स्थानीय तहको निर्वाचनमा हल्दिबारी गाउँपालिकाको निर्वाचनमा निर्वाचित उपाध्यक्ष डम्बर गिरी नेकपा एकीकृत समाजवादी प्रवेश गरेका छन् ।
एमालेको युवा संघको पुर्व जिल्ला अध्यक्ष समेत रहेका गिरीले गत स्थानीय तह निर्वाचनमा एमालेबाट अध्यक्षमा उम्मेद्बारी दिदै पराजित बनेका थिए भने झापा ३ मा संघीय संसदका लागि स्वतन्त्र उम्मेद्बारी दिएका थिए । गिरीले झापामा एमालेले राप्रपासग तालमेल गरेको बिसयलाई आपत्ति जनाउदै एमालेबाट बिद्रोह गरेका थिए ।
उनले आफ्नो फेसबुकमा लेखेका छन् , आज मिती २०७९ चैत्र ११ गते देखि मेरो आफ्नो कम्युनिस्ट पार्टीको सदस्यता नेपाल कम्युनिस्ट पार्टी एकीकृत समाजवादीमा नविकरण गरेको घोषणा गर्दछु ।
नेपालको कम्युनिस्ट आन्दोलनलाई ठीक ढंगले अगाडि बढाउनका लागि यो पार्टी नै आजको दिनमा सर्वाधिक उपयुक्त मंच हो ।
नेपालका सम्पूर्ण कम्युनिस्ट क्रान्तिकारीहरूलाई समेत नेकपा (एकीकृत समाजवादी) मा समाहित भई नेपालको कम्युनिस्ट आन्दोलनको पुनर्गठनको अभियानमा सामेल हुन आह्वान समेत गर्दछु उनले आफ्नो फेसबुकमा लेखेका छ्न ।
गिरीको एमाले परित्यागबाट झापामा पराकम्प पैदा गराएको छ । पार्टी परित्याग गर्नु अगाडि उनले समाजबादिका अध्यक्ष माधव कुमार नेपाल सहित एक दर्जन नेतहरु संग भेटवार्ता गरेका थिए ।