राजवंशी भाषिक कविता : “हामार गाँए”
गाँए हए हामार .. कुलेर माता,
माँअर लाखा .. जरिए नाता ।
निजे खटिए .. कराचे दूध-पान
गाँए त हए हामार .. माँअर सँमान।।
लुरिए बिछिए खाले .. झार-झिट्टी,
लताबृक्ष खाए बेनाले .. दाबा-बट्टी।
रस- रसाए बेनाले .. दुन्ही खान ,
गाँए त हए हामार .. माँअर सँमान ।।
घरते साँफ करे .. गली आर फुची,
घाँस पातारलाक ..करिए नुचा-नुची।
साँप-च्यारीक रँकिए .. बेनाचे टेकान,
गाँए त हए हामार .. माँअर सँमान ।।
उब्रिए जाले खेतेर .. धानेर माँटी ,
दान करेचे साँर बेनाए .. गबर-माटी।
गबर पाए गिर्हसेर .. हल्हलाए धान,
गाँए त हए हामार .. माँअर सँमान ।।
घँसी से माँअ फेर .. बेनाए जलाँन-खाँटी
ऐग्ना-घर लेपिए करे .. सेन्जा बाती ।
गाँए घरत हले .. हटे दुसिया-बार्हबाहान
गाँए त हए हामार .. माँअर सँमान ।।
कचनकवल :- ३, दल्की झापा
हाल :- मलेसिया
याे खबर पढेर तपाईलाई कस्ताे महसुस भयाे?
+1
2
+1
+1
+1
+1
+1
