राजवंशी भाषिक कविता : “कृष्णसार मीरा”

राजवंशी भाषिक कविता : “कृष्णसार मीरा”

माया त हए .. सँनार गाहाना
मित्रताए हए .. मनेर हीरा ।
तुई त होलो राधा ..जीवनेर उपमा
मोर मनेर सारत्व .. हए एक मीरा।।

मुई त कृष्ण बन्नु .. विधि संसारते
प्राणी जन सभारे .. हटाऊ मनेर भीँरा।
दुख कष्ट , दुर्जन .. जाऊ उहाँरे द्वारे
डाले-पाते हाँसे .. जेनङ् मजुर पाँखीरा।।

तुई त होलो राधा .. बाँसीर लाखा नमुना
सुरताले ना मिले ..मीरा संगीतेर भावना।
खोजते मिले जे .. प्रितवासेर रसना ,
दर्शनते खुले .. अटुट प्रितेर खँजाना।।

जर्ती सँनाते हचे .. मायाभावेर गाँसना,
पग्लिएने बने फेर .. अई सँनार गाहाना।
हिरा त टुटिए जाले .. भिन्से प्रित जरेना
तोर आगुती राधा ..मिरा हए अदृश्य साँधना।