राजवंशी भाषिक कविता : “जुल्पी बेसातीला”
जैदिना छिनु .. मुई एक्लाए
तुई दिस्लो त .. मोक ढाँक्लाए।
आझी भट्भट् .. हईचु दे ,
धरुवा आईचित .. त हाँक्लाए।।
गत्तर ते .. बत्तर जनाँए
मोक देखिए .. हाँउसते ना खिल्खिला,
खाईस रे उधो ?.. खाईस तुई
मोर हातेर .. जुल्पी बेसातीला।।
काली करे उँनो .. छिनु दे ,
बेराईस्लो .. घाँटाल-पाँचाल गिदाए।
निहबार काथालाक .. बेनाए सुनाए
बस्ती-बस्ती .. बेराईस्लो उभाँए ।।
आझी जात्रा .. आसिचे दे ,
मोक आनिए .. देखाचित रे किँला?
खाईस रे उधो?.. खाईस तुई
मोर हातेर .. जुल्पी बेसातीला ।।
धनी-गरीब कहे .. तुहे छिट्काईस्लो
टाका पैसारे .. घमण्डर भँरत ।
बाघडाअ भी .. धान खाँचे हेतान
जैखुना दरिद्रतार .. बुझेचे दरद्।।
समय करुवाँचे .. छट आर बड्
यिला भगवानेर .. हए रे लीला
खाईस रे उधो?.. खाईस तुई
मोर हातेर .. जुल्पी बेसातीला।।
लदीर पानी .. उछाँल छाँल ,
सदाए त निहचे .. एक नास।
घिस्टा पानीखान् .. उराएने
बनुवा पारे .. बदली बातास।।
गरीब सम्झिए .. गरीबके
कोधोएना .. करिस रे हेला?
खाईस रे उधो .. खाईस तुई
मोर हातेर .. जुल्पी बेसातीला।।
