कचनकवलको मोती माविमा विद्यालय स्वास्थ्य परामर्श कक्ष” संचालन

विद्यालय व्यवस्थापन समिति अध्यक्ष सोमलाल राजवन्सीको सभापतित्व एवं पालिका अध्यक्ष कालेन्द्र प्रसाद सिंह राजवन्सीको प्रमुख आतिथ्यमा आयोजना  गरिएको परामर्श कक्ष उद्घाटन कार्यक्रममा वडा सदस्यहरु बिस्णुमाया प्याकुरेल , सोभा सुन्दास र मेघलाल राजवन्सी लगायतको उपस्थिति रहेको थियोे ।

उक्त अवसरमा २२ जना अभिभावक गुमाएका छात्रछात्रालाई  न्यानो कपडा बितरण गर्दै प्रमुख अतिथि राजवन्सीले कचनकवलका सबै विद्यालयमा स्वास्थ्य परामर्श कक्ष संचालन गर्न पालिका लागी पर्ने बताउनु भएको छ ।

किशोरीहरुको महिनाबारीलाई ध्यानमा राखी  कार्यक्रम विद्यालयमा संचालित भएको छ भने उनीहरुको स्वास्थ समस्याको बारेमा महिला शिक्षकहरु ,जेन्डर फोकल पर्सनको निगरानीमा कार्यक्रम संचालन हुने बताईएको छ ।

परामर्शलाई प्रभावकारी बनाउन स्थानीय स्वास्थ केन्द्र र महिला स्वयंसेवकहरुले नियमित सेवा दिने समेत विद्यालयला प्रधानाध्यापक छवि बस्नेतले जानकारी दिनु भएको छ ।

 नेपालकै होचो भुभाग एवं बहुसंख्यक आदिवासी समुदायका बालबालिका अध्यनरत मोति मावि गत शैक्षिक  बर्षमा शैक्षिक तथा व्यवस्थापकिय सुधारमा झापाकै उत्कृष्ट विद्यालय घोषित हुदै ५ लाखको प्रोत्साहन अनुदान समेत प्राप्त गरेको थियो ।