राजवंशी भाषिक कविता : “दिन भुला”

राजवंशी भाषिक कविता : “दिन भुला”

दिने कामाचु .. दिने खाचु
मोर नामे हए ..दिन भुला।
लोकेर घरत .. सेन्जावत्ती
मोर आँखत .. नाई रे चुला।।

घर बेनाईस्नु मुई .. जाहार बादे
काटिए रास्ता .. बेनाले बत्कल्ला।
मोर माया होल .. खेब्रिए काँना
उहाँर मायात .. ढुकिल दो-तल्ला।।

टाँका हबार खुना .. छिनु रसरस
आल्हाए पच्कटिए .. हईचु बेमुल्ला।
पैसाए करिल रे .. मोर मायात बेइमानी
आझी बिचते .. हइचु रे हुटुल्टुला ।।

हाँउसते निसिकु .. मुई खाबा दारुपानी
मोर किस्मते .. निक्लिल रे घँला ।
भाङ्गिए परेचे मोर .. बुकेर पाहाड
अग्नीर लाखा जलेचे .. अन्तर जँल्जला।

समाज हाराले .. मोर बस्ती से
मोर मायाक .. बेनाए काँजल खँला।
मायाते मुई बोले .. दिशाहारा
दिनकाटाते ..हईचु बोले दिनभुला।।