झापा ,२९ बैशाख । नेपाल रेडक्रस सोसाइटी बाह्रदशी उपशाखाको आयोजनामा एक दिवसीय स्वास्थ्य शिविर तथा रक्तदान कार्यक्रम सम्पन्न भएको छ ।
उपशाखा सभापति दयानन्द गोस्वामीको अध्यक्षता एवं बाह्रदशी ४ का अध्यक्ष महताव आलमको प्रमुख आतिथ्यमा सम्पन्न शिविरमा २६० जनाले सेवा लिएका थिए भने १४ जनाले रक्तदान गरेको रेडक्रसले जनाएको छ ।
स्पाइन एक्स सुपरस्पेसिलिटी हल्पिटल एण्ड ट्रमा सेन्टरका डाक्टर प्रेम बहादुर शाही ,डाक्टर केशबकुमार मण्डल ,डाक्टर नौसाद आलम अन्सारी ,डाक्टर अमरेन्द्र कुमार यादव र डाक्टर उपसना कोइरालाले बिरामीको चेकजाँच गर्नुका साथै औषधि समेत निशुल्क बितरण गरेका थिए ।
शिविर उद्घाटन कार्यक्रमलाई प्रमुख अतिथि आलम , नेरेसो जिल्ला सभापति लोकराज ढकाल , अस्पतालका प्रसासन प्रमुख कमल खनाल लगायतले मन्तव्य राख्नु भएको थियोे ।
याे खबर पढेर तपाईलाई कस्ताे महसुस भयाे?
+1
+1
+1
+1
+1
+1
