काठमाडौं । विश्वका विभिन्न देशबाट नेपालमा खोप आउने क्रम जारी रहेको छ । यसैबिच आज जापानबाट कोरोना बिरुद्धको ४ लाख डोज आज नेपाल आइपुग्ने भएको छ ।
स्वास्थ्य मन्त्रालयका अनुसार कोभ्याक्स सुविधामार्फत जापानले दिन लागेको १६ लाखमध्ये ४ लाख डोज एष्ट्राजेनेका खोप नेपाल आइपुग्न लागेको हो । मन्त्रालयका अनुसार आज र भोलि गरेर जापानबाट ८ लाख डोज एष्ट्राजेनेका खोप नेपाल आइपुग्छ ।
बाँकी ८ लाख डोज खोप भने अर्को साता मात्रै आइपुग्ने मन्त्रालयले जनाएको छ । यो खोप कोभिसिल्डको पहिलो डोज लगाएका १३ लाख ज्येष्ठ नागरिकलाई दिइने मन्त्रालयले जनाएको छ ।
भारतबाट आएको कोभिसिल्डको पहिलो डोज लगाएका जेष्ठ नागरिकहरुलाई भारतले दोस्रो डोज नदिएका कारण खोपको प्रतिक्षामा छन् । यसअघि शुक्रबार भूटानले पनि नेपाललाई ३ लाख डोज एष्ट्राजेनेका खोप उपलब्ध गराएको थियो।
याे खबर पढेर तपाईलाई कस्ताे महसुस भयाे?
+1
+1
+1
+1
+1
+1
